पन्हाळा (कोल्हापूर) : येथील संजीवन अभियांत्रिकी महाविद्यालयात शिकणाऱ्या प्रथमेश प्रभाकर पाटील या विद्यार्थ्याने ‘मेथड अँड सिस्टीम ऑफ परफॉर्मिंग अॅन अॅक्शन ब्राउझर बेस्ड ऑन ए व्हॉइस कमांड’ या विषयावर पेटंटसाठी अर्ज दाखल केला आहे. केंद्र सरकारच्या ‘कंट्रोलर जनरल ऑफ पेटंट डिझाइन’ या विभागाकडे अर्ज दाखल करण्यात आला आहे. प्रथमेश हा सिव्हिल इंजिनीअरिंगच्या दुसऱ्या वर्षात शिकत असलेला विद्यार्थी आहे.
यामुळे महाविद्यालय व विद्यार्थ्यांना एक पेटंट मिळणार असून, भविष्यकाळात त्याचा वापर औद्योगिक उपयोगासाठी व जनतेच्या वापरासाठी केला जाईल. या विद्यार्थ्याला महाविद्यालयाच्या सिव्हिल इंजिनीअरिंग विभागाचे विभागप्रमुख प्रा. एस. एस. चव्हाण, महाविद्यालयाचे प्राचार्य डॉ. जी. व्ही. मुळगुंद, संस्थेचे चेअरमन पी. आर.भोसले, सहसचिव एन. आर. भोसले यांचे मार्गदर्शन लाभले.
